கரூர் மாவட்டத்தில் விரைவில் ஐடி பார்க் (தகவல் தொழில்நுட்ப பூங்கா) அமைக்க முதல்வரிடம் கோரிக்கை வைப்போம் முதல்வர் வழங்குவார் என மாநில மின்சாரம், மதுவிலக்கு மற்றும் ஆயத்தீர்வைத்துறை அமைச்சர் அமைச்சர் வி.செந்தில்பாலாஜி தெரிவித்தார்.
கரூரில் நாமக்கல் புறவழிச்சாலையில் உள்ள தனியார் கல்லூரி வளாகத்தில் தனியார் வேலைவாய்ப்பு முகாம் மாவட்ட வருவாய் அலுவலர் எம்.லியாகத் தலைமையில் இன்று (டிச. 19ம் தேதி) நடைபெற்றது. மாநில மின்சாரம், மதுவிலக்கு மற்றும் ஆயத்தீர்வைத்துறை அமைச்சர் வி.செந்தில் பாலாஜி தொடங்கி வைத்து, பின்னர் இளைஞர்களுக்கு பணி நியமன ஆணைகளை வழங்கி பேசியது, ”இங்கு வந்து இருக்கிறவர்களுக்கு அரசு வேலைக்கு செல்லவேண்டும் என்று எண்ணம் இருக்கும் இதற்கான தீர்வை முதல்வர் மு.க.ஸ்டாலின் கண்டிப்பாக நமக்கு உருவாக்கித் தருவார்கள். அதற்கு நாங்கள் உங்களுடன் துணை நிற்போம். உங்கள் அரசு வேலைபெறும் நாட்கள் மிக விரைவாக அமையும்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
Posts
