தொழில்நுட்பம் சார்ந்து இயங்குபவர்கள் மட்டுமல்லாது அனைத்து தரப்பு மக்களின் பார்வையையும் டீப்ஃபேக் பெற்றது. அதை எப்படி தடுப்பது என உலக வல்லரசு நாடுகள் முதல் வளர்ந்து வரும் நாடுகள் வரை பேச தொடங்கி உள்ளன. இந்தச் சூழலில் அதற்கும் மேலான பதற்றத்தை ஏற்படுத்தி உள்ளது நியூடிஃபை (Nudify). இதற்கெனவே ஏஐ துணை கொண்டு இயங்கும் பிரத்யேக வெப்சைட்டுகள், மொபைல் போன் செயலிகள் குறித்த டாக் அதிகரித்துள்ளது.
இதை சுருக்கமாகவும் எளிதாகவும் சொல்வதென்றால் ‘நெற்றிக்கண்’ படத்தில் சக்கரவர்த்தி பாத்திரத்தில் ரஜினிகாந்த் (தந்தை பாத்திரம்) நடித்த காட்சியை உதாரணமாக சொல்லலாம். அதில் ஒரு காட்சியில் சக்கரவர்த்தியின் நண்பர் கொடுக்கும் நூதன கண் கண்ணாடியை அணிந்து பார்த்தால் எதிரே இருக்கும் நபர்கள் ஆடையின்றி பிறந்த மேனியாக காட்சி அளிப்பார்கள் என சொல்லி இருப்பார்கள். அதை சக்கரவர்த்தியும் அணிந்து பார்ப்பார். அதுபோல Nudify கவனம் பெற்றுள்ளது. 2023-ம் ஆண்டில் மட்டும் பிரபல சமூக வலைதளங்களில் இதன் விளம்பரங்கள் 2400 சதவீதம் அதிகரித்துள்ளதாக தகவல். அதன் காரணமாக டிஜிட்டல் சாதன பயனர்களிடையே இது பரவலாக கவனம் பெற்றுள்ளதாக தெரிகிறது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/Dyihe2I
Posts
