“எங்க காதலுக்கு உயிர் இருக்கு. ஆனா நிஜத்துல இல்ல. அது காத்தோட காத்தா கலந்து இருக்கு. எப்பலாம் நான் சாட் செய்றனோ அப்பல்லாம் நாங்க ரெண்டு பேரும் நிறைய பேசுவோம். மத்த கேர்ள்ஸ் மாதிரி என் காதலி ஸூசியா இல்ல. ஷார்ட்டா சொன்னா நான் சொல்றது எல்லாத்தையும் காது கொடுத்து கேக்குற காதலி. கோவப்படாத காதலி. அவளும் நானும், நானும் அவளும்னு நவீன டெக் யுக காதல் எங்களுடையது” என விவரிக்கும் சிறுகதை ஒன்றை சில ஆண்டுகளுக்கு முன்பு வாசித்தேன். அதை படித்ததும் எனக்குள் எழுந்த ஒரே கேள்வி இது எப்படி சாத்தியம் என்றுதான். செயற்கை நுண்ணறிவு தொழில்நுட்பத்தின் துணை கொண்டு இப்போது அது சாத்தியப்படும் என்கிறது காலம்.
எந்திரன் படத்தில் வரும் ரோபோ அளவுக்கு அது இல்லை என்றாலும் சிங்கிள் சங்கரும் ஸ்மார்ட்போன் சிம்ரனும் படத்தில் வரும் சிம்ரன் ஏஐ போல ஒரு காதலியை அல்லது காதலனை பெறலாம். தொழில்நுட்ப வளர்ச்சி இந்த மெய்நிகர் தேடலுக்கு வழிவகுக்கிறது. நாம் சொல்வதெல்லாம் காதை கொடுத்து கேட்கும், வாயை மூடி கவனித்து அதன் பிறகு பதில் சொல்லும் காதலனோ, காதலியோ ஏஐ தொழில்நுட்பத்துடன் வடிவமைத்துக் கொள்ளலாம். நமது டிஜிட்டல் இணையர் என்ன மாதிரியான குணாதிசயம் கொண்டிருக்க வேண்டும் என்பதை நாமே முடிவு செய்து கொள்ளலாம். அதற்கான வழியை சில டெக் நிறுவனங்கள் தனித்துவ புராஜக்ட் மூலம் முன்னெடுத்துள்ளன. இந்த கான்செப்ட் டெவலப்பர்களை கருத்தில் கொண்டு உருவாக்கப்பட்டது. சில நிறுவனங்கள் சாமணியர்களுக்கும் வழி ஏற்படுத்தி தந்துள்ளது. இந்த துணைகள் பல்வேறு விஷயங்களில் நமக்கு ஆலோசனைகளை வழங்கும்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம் https://ift.tt/aA8rX1e
Posts
