கோவில்பட்டி அருகே விபத்து நடந்த இடத்தில் உயிரைப் பொருட்படுத்தாமல் உதவிய ஊர்க்காவல்படை ஓய்வுபெற்ற கமாண்டர் மற்றும் அவரது மனைவியை டி.எஸ்.பி. உதயசூரியன் பாராட்டினார்.
கோவில்பட்டி அருகே இடைசெவல் பகுதியில் கடந்த 26-ம் தேதி அதிகாலை திருநெல்வேலி சென்ற கார் ஒன்று மின்கம்பத்தில் மோதி விபத்துக்குள்ளானதில், காரில் இருந்த மதுரை கரிமேடு பகுதியைச் சேர்ந்த கோபால் (40), முருகன் (54) ஆகிய இருவர் உயிரிழந்தனர். ஹரி (40), ரகுநாதன் (39) ஆகியோர் காயமடைந்தனர். விபத்து அதிகாலை ஒரு மணி அளவில் நடந்துள்ளது. கோபால் உள்ளிட்டோர் வந்த கார் மின் கம்பத்தில் மோதியபோது, தீப்பொறிகளுடன் உயர் அழுத்த மின் வயர் அறுந்து நான்கு வழிச்சாலையில் விழுந்தது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
Posts
