மதிய உணவுடன் பனைபொருட்களைக்கொண்டு தயாரிக்கப்பட்ட உணவுப்பொருட்களை சத்துணவில் சேர்க்க வேண்டுமென,
மன்னார்குடி அருகே நடைபெற்ற பனை திருவிழாவில் தமிழக அரசை வலியுறுத்தி தீர்மானம் நிறைவேற்றப்பட்டுள்ளது.
திருவாரூர் மாவட்டம், மன்னார்குடி அருகே துளசேந்திரபுரம் கிராமத்தில் உள்ள ஏரியை சுற்றி கிரீன் நீடா அமைப்பு சார்பில் பனை விதைகள் விதைக்கும் பனைத் திருவிழா இன்று நடைபெற்றது. அதையொட்டி ஏரிக்கரையில் கரகாட்டம், சிலம்பாட்டம், ஒயிலாட்டம் கிராமியப்பாடல் உள்ளிட்ட நாட்டுப்புற கலை நிகழ்ச்சிகளுடன் பனை திருவிழா தொடங்கியது. பின்னர் நிகழ்ச்சியின் தொடக்கமாக கிரீன்நீடா ஒருங்கிணைப்பாளர் ஜானகிராமன் தலைமை வகித்தார். ஒருங்கிணைப்பாளர் மு.ராஜவேலு நோக்கஉரையாற்றினார்.
மன்னார்குடி எம்எல்ஏ டிஆர்பி.ராஜா, மாவட்ட ஊராட்சித் தலைவர் தலையாமங்கலம் பாலு, தமிழக காவிரி விவசாயிகள் சங்கத் தலைவர் பி.ஆர்.பாண்டியன் ஆகியோர் நிகழ்ச்சியில் சிறப்புரையாற்றியதுடன், வேதாரண்யம் ஆசிரியர் கார்த்திகேயன் தயாரித்த பனங்கிழங்கை மூலப்பொருளாகக்கொண்டு தயாரிக்கப்பட்ட கூடை கேக்கினை அறிமுகம் செய்து வைத்தனர்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
Posts
