திருவண்ணாமலையில் இன்று தொடங்கி வைக்கப்பட்ட கரோனா தடுப்பு விழிப்புணர்வுப் பிரச்சாரத்தில் சமூக இடைவெளியைப் பின்பற்றாமல் ஒருவரையொருவர் இடித்துக் கொண்டு அரசு அதிகாரிகள் மற்றும் அதிகாரிகள் பங்கேற்றனர்.
திருவண்ணாமலை மாவட்டத்தில் கரோனா தொற்றுப் பரவல் தடுப்புக்கான ஒரு வார விழிப்புணர்வுப் பிரச்சாரம் திருவண்ணாமலை அண்ணாமலையார் கோயில் ராஜகோபுரம் முன்பு இன்று (1-ம் தேதி) தொடங்கியது. ஆட்சியர் பா.முருகேஷ் தலைமை வகித்துத் தொடங்கி வைத்து உறுதிமொழி ஏற்றார். பின்னர் அவர், விழிப்புணர்வுப் பிரச்சார வாகனத்தின் செயல்பாடுகளைப் பார்வையிட்டு, பொதுமக்களுக்குத் துண்டுப் பிரசுரங்களை விநியோகம் செய்தார். கலைக்குழுவினர் மூலம் வீதி வீதியாக விழிப்புணர்வுப் பிரச்சாரம் நடைபெற்றது.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
Posts
