ஒளிப்பதிவு திருத்த வரைவு மசோதா 2021-ஐத் திரும்பப் பெற வலியுறுத்தி, மத்திய தகவல் ஒளிபரப்புத் துறை அமைச்சர் ரவிசங்கர் பிரசாத்துக்கு முதல்வர் மு.க.ஸ்டாலின் கடிதம் எழுதியுள்ளார்.
அண்மையில் மத்திய அரசு, 1952ஆம் ஆண்டு ஒளிப்பதிவுச் சட்டத்தில் சில முக்கியத் திருத்தங்களை, ஒளிப்பதிவு திருத்த வரைவு மசோதா 2021 என வெளியிட்டது. இந்த வரைவுச் சட்டத்தில் உள்ள திருத்தங்கள் மத்திய திரைப்படச் சான்றிதழ் வாரியம் மற்றும் மாநில அரசுகளின் அதிகாரங்களைக் குறைக்கும் வகையிலும், கருத்துச் சுதந்திரத்தைப் பறிக்கும் வகையிலும் உள்ளதாக நடிகர்கள் கமல்ஹாசன், சூர்யா, கார்த்தி உள்ளிட்டோர் குரல் எழுப்பி வந்தனர். இதனைச் சுட்டிக்காட்டி நேற்று (ஜூலை 05) முதல்வர் மு.க.ஸ்டாலினை நடிகர் கார்த்தி நேரில் சந்தித்து கோரிக்கைகளையும் முன்வைத்தார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
Posts
