ஓசூர் வட்டத்தில் மூவேந்தர் நகர், பத்தலப்பள்ளி, மத்திகிரி உள்ளிட்ட பல்வேறு பகுதிகளில் உள்ள வீடுகளில் ஆண்டுக்கு ஒருமுறை மலரும் “இரவு ராணி” என்றழைக்கப்படும் தெய்வீக மலரான பிரம்மக் கமலம் பூத்து வருகிறது. இந்த மலரைப் பார்ப்பவர்களுக்கு ஆண்டு முழுவதும் அதிர்ஷ்டம் நிகழும் என்று நம்பப்படுவதால் பொதுமக்கள் ஆர்வத்துடன் பார்த்துச் செல்கின்றனர்.
மேற்குத்தொடர்ச்சி மலையடிவாரத்தில் அமைந்துள்ள ஓசூர், சூளகிரி, கெலமங்கலம், மத்திகிரி உள்ளிட்ட பகுதியில் வசிப்போர், தங்கள் வீடுகளில் பிரம்மக் கமலம் செடிகளை அதிக அளவில் வளர்த்து வருகின்றனர். இப்பகுதியில் தென்மேற்குப் பருவமழை காலகட்டமான ஜூன் முதல் ஆகஸ்ட் மாதம் வரையிலான குளிர்ச்சியான தட்பவெப்ப நிலையில் “இரவு ராணி” என்றழைக்கப்படும் தெய்வீக மலரான பிரம்மக் கமலம் மலர்கள் மலர்கின்றன.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
Posts
