கரூர் மாவட்ட ஆட்சியர் அலுவலகத்தில் காணொலி மூலம் குறைதீர்ப்புக் கூட்டம் மாவட்ட ஆட்சியர் த.பிரபுசங்கர் தலைமையில் ஆட்சியர் அலுவலகக் கூட்டரங்கில் இன்று (ஜூன் 21-ம் தேதி) நடைபெற்றது. மாவட்ட வருவாய் அலுவலர் எம்.லியாகத் உள்ளிட்டோர் கலந்து கொண்டனர். இக்கூட்டத்தில் பங்கேற்கும் பொதுமக்களுக்காகப் பிரத்யேக செயலி கொடுக்கப்பட்டிருந்தது.
இதன் மூலம் பொதுமக்கள் கூட்டத்தில் பங்கேற்று தங்கள் பகுதிகளில் உள்ள குறைகளைத் தெரிவித்தனர். பொதுமக்களின் பெயர், அவர்களது செல்போன் எண் ஆகியவற்றைக் குறித்துக் கொண்ட ஆட்சியர் அவர்களை பிரச்சனையைக் கேட்டுக்கொண்டு அதுதொடர்பாக அதிகாரிகளிடம் ஆலோசித்தும், அதிகாரிகளுக்கு அதுகுறித்துத் தெரிவித்தும் உடனடியாக உரிய நடவடிக்கை எடுத்து பதிலளிக்கப்படும் எனத் தெரிவித்தார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
Posts
