தேர்தலில் வென்று 50 நாட்களுக்குப் பிறகு புதுச்சேரியில் ஐந்து அமைச்சர்கள் வரும் 27-ம் தேதி மதியம் பதவியேற்புக்காக ஆளுநர் மாளிகை வெளியே மேடை அமைக்கும் பணி மும்முரமாக நடக்கிறது. அதேபோல் அமைச்சராகவுள்ள ஐவருக்கு சட்டப்பேரவையில் அறைகள் தயாராகி வருகின்றன.
புதுச்சேரி சட்டப்பேரவைத் தேர்தல் முடிவுகள் கடந்த மே 2-ம் தேதி வெளியானது. அதையடுத்து என்.ஆர்.காங்கிரஸ்- பாஜக கூட்டணி வென்று ஆட்சியமைத்தது. அதையடுத்து முதல்வராக ரங்கசாமி பொறுப்பேற்றார். பிறகு அவருக்கு கரோனா தொற்று ஏற்பட்டது. அவர் குணமான பின்னும், அமைச்சர்கள் ஒதுக்கீட்டில் முடிவு எட்டப்படாமல் இருந்தது. இந்நிலையில் பாஜகவுக்குப் பேரவைத் தலைவர், 2 அமைச்சர்கள் ஒதுக்க முடிவு எட்டப்பட்டது. என்.ஆர்.காங்கிரஸில் 3 அமைச்சர்களுக்குப் பதவி கிடைக்கும்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
Posts
